Herriz Herri - Bidarrai (NB) | 2018ko Agorrilaren 09a

Bidarrai

Erdian lehen lerroan Siméon Rabec aitamen artean
Erdian%20lehen%20lerroan%20SimAon%20Rabec%20aitamen%20artean

Dolu –

Uztailaren 21ean zendu da Thierry Nanteau, Lixeronean bizi zena. 51 urte zituen. Sortzez Frantzia erdialdekoa zen, Allier departamendukoa. Hamar bat urte huntan bizi zen gure herrian, Vanessa bizilagunarekin. 2012an ezkondu ziren Herriko Etxean, bainan joan den ekainean berexi dira eta hori ez du soportatu ahal izan. Ehorzketak intimitatean iragan dira, erraustegitik iraganik. nessari eta Oihan semeari gure doluzko agurrak.

Siméon inbaldituari ongi-etorri goxoa –

Joan den astean, asteazkenez, Siméon ttipia gutartean ginuen, aitamekin, hor zirela ere familiako beste kide batzu eta adiskide zenbait. Duela bi aste hemen beretik kondatzen ginuena oroitaraziko dugu. Eritasun arraro batez joa da Siméon Rabec, beso Xakurra, ardi tropa biltzen eta zangoak ez ditu erabiltzen ahal. 5 urte bete beharrak ditu laster. Savoia eskualdekoa da (Savoie), Axel herrikoa. Aitamek Konpostelarateko bidea egitea deliberatu zuten duela bi urte, urratsean, lasterka edo bizikletaz (vtt), eritasun horren berri emaiteko eta diru iturriak biltzeko. 2016an Axel-Cahors egin zuten (700km). Uda huntan Cahors- Gernika (600km). 2020an egingo lukete Gernika-Konpostela zatia. Joan den uztailaren 21ean abiaturik, Gernikara dira heldu agorrilaren 5ean. Stéphanie amarekin dabilalarik Siméon ttipia, mutiko guziz alegera, batzutan “joélette” batean ere egiten duela ibilbidearen zati bat, Vincent aitak lasterka egiten ditu etapak, aldizkako lagun batzuz inguraturik, bana beste 40 bat kilometro etapaka, erran nahi baita egunero maratoi bat! Asteazkenean, ongi etorri beroa egina izan zaiote Herriko Etxean, tokiko hautetsi eta herritar multxo bat bildurik (argazkian ageri direnak baino gehiago, argazkia arrunt hastapenean hartua izan baita eta jende andana bat ondotik jin). Herritarrek prestatutako janaritik eta edaritik arizan gira solasean goxoki, bizpahiru oren loriagarri elgarrekin iraganez. Ez da erraitearen beharrik biziki hunkiak izan direla gure ongi etorriaz, eta bihotz barnetik bihurtu dauzkigute eskerrak. Beren aldetik, lekukotasun ederra daukute zabaldu, haurraren inguruan deramaten biziaz. Eta Siméonen aurpegi irripartsua iguzki baten parekoa da. Bidarraitik landa, Aire Zabal aterbetxean lo eginik, Azkainera joan dira, handik Donostiara, beti lasterka, eta azken bi etapak aldiz mendiko bizikletaz, Donostia-Zarautz eta Zarautz-Gernika.

Email Buffer Facebook Google Twitter Pinterest LinkedIn Digg StumbleUpon Tumblr

3462. zbk

Nahigabe bat jasanez ainitz ikasten ahal da

Ovidio

Gure Hitza | 2018/08/09

Agorrilean denak ttur ttur!

Menane Oxandabaratz

Urteko hilabetea da nun kasik denak geldituak diren, enpresa handiak hetsiak, erakaskuntzako erakasle ta ikasleak ez gehiago ageri, beste lantegietako langileek ere bizpahiru aste hartzen dituztela baliatzeko udako giroaz. Zuen astekari gostukoena ere bi astez geldituko da. Orain denentzat gauza normala baldin bada oporrak hartzea, ez da beti hola izan. 1905ean Alemaniak zuen lehenik plantan jarri langileen oporrak pagatuak izan zaitezen, Austriak 1910ean, segitu zutela Eskandinaviako beste herrialdeek. Frantses estatuan, 1936ko ekainaren 20an ziren agertu lehen aldikoz pagatuzko oporraldiak, Front Polulaire (1936-1938) koalizioa gobernuan zelarik. Ordu haietan, langileek 15 egun opor zuten hartzen ahal, Front Populaire baliatu zen ere hitzarmen kolektiboak martxan jartzeko eta 40 oreneko lan astera pasatzeko. 1956an hiru aste opor ziren, 1969an lau aste zirelarik eta 1982az geroztik 5 aste dira. Turismo guneak ere emeki-emeki garatuz joan dira, sektore ekonomikoaren abiatze berri bat ...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016