Arazo tekniko batzuengatik aurtengo Bertsolari Txiki egunez bederazka ezin izan dugu berri eman kaseta honetan. Orokorki beraz hona nola iragan diren. Hiru izan dira.

Arazo tekniko batzuengatik aurtengo Bertsolari Txiki egunez bederazka ezin izan dugu berri eman kaseta honetan. Orokorki beraz hona nola iragan diren. Hiru izan dira. Lehenbizikoak maiatzaren 5ean Hendaiako Variétes aretoan ikusi ditu 8 ikastoletako 290 haur elkarretaratzen eta urtean zehar moldatu bertsu sortak kantatzen, Oskar Estanga musikan laguntzaile zutela. Ikastola horiek ziren: Angelu, Azkaine, Bidarte, Donibane-Lohizune, Hendaia, Hiriburu, Miarritze eta Urruña. Artetik Maddalen Arzallus eta Sustrai Colina bertsutan entzuteko parada izan dute. Bigarrena Larresoron maiatzaren 12an herriko gelan; 9 ikastola: Baiona Polo, Baiona Oihana, Hazparne, Itsasu, Kanbo, Lekorne, Sara, Senpere eta Uztaritze, orotara 330 haur. Hemen ere Oskar musikan, bertsutan aldiz Maddi Sarasua eta Sustrai Colina. Bi lehen egun horiek Aimar Karrika erakasleak kudeatu ditu. Hirugarren eta azkena iragan da Aiziritzeko herriko gelan Xan Alkhat erakaslea kudeatzaile, 260 haur, 8 ikastoletarik bilduak: Aloze, Amikuze, Arberoa, Baigorri, Garazi, Larzabale, Ortzaize eta Sohüta. Hemen M. Arzallus gitarrarekin eta bertsutan Nahia Sasco, Battitt Crouspeyre eta Amets Arzallus. Bertsolarien Lagunak elkarteak eta Seaskak elkarlanean antolatzen dituzten Bertsolari Txiki egunak iragan berritan, balorazio positiboa egin dute Lapurdi, Baxenabarre eta Xiberoko bertsolari irakasleek.