Azalekoa | 2018ko Uztailaren 19a

Pariseko Branly kaian, museo miresgarria

P.J.

Papuasiako sawos maska
Papuasiako%20sawos%20maska

Ez da uda bezalako sasoirik bazterren ikuska ibiltzeko. Joan den ekainean, Parisen gaindi baiginabiltzan, aspaldiko ametsa dugu bete: Branly kaiko museoari behakoa eman diogu.

Ez da uda bezalako sasoirik bazterren ikuska ibiltzeko. Joan den ekainean, Parisen gaindi baiginabiltzan, aspaldiko ametsa dugu bete: Branly kaiko museoari behakoa eman diogu. Eiffel dorretik arras hurbil kokatzen da museo hori, Seine ibaiaren saihetsean, Pariseko 7. arrondizamenduan. Izendapen ofiziala du “Musée du Quay Branly – Jacques Chirac”, honek baitzuen museo horren eraikuntza sustatu presidente zelarik. Deitzen da ere “Afrika, Asia, Ozeania eta Ameriketako arteen eta zibilizazioen museoa”. Jean Nouvel arkitekto famatuak du diseinatua eta 2006ko ekainean estreinatua izan zen ospe handiz. Estreinaldi horretan ziren, besteak beste, Koff Hanan ghanatarra, Nazio Batuen Erakundeko orduko burua, Rigoberta Menchu guatemalarra, Bake Nobel sariduna, Paul Okalik inuit kazetari eta politikaria eta Claude Levi-Strauss frantses antropologoa.

Arte primitiboak

Komunzki, “Arte primitiboen museoa” ere deitzen da. “Primitibo” hitz horretan ez da ikusi behar “gibelatua” edo “zaharkitua”. Baina bai mendebalde honetatik haratago dauden aspaldiko populuen edergintza tradizionalen erakusleihoa. Hots, gorago aipatutako kontinente horietako populu autoktonoen altxor miresgarrien gunea. Zeren guziez zoragarria aurkitu dugu museoa. Lau orenez bisitatu dugu eta segur merezituko zuen denbora gehiago iragaitea barne hartan, hango aberastasun ikaragarriez oraindik hobeki gozatzeko. Jean Nouvelen eraikuntzak hastapen hartan gorabehera franko ezagutu zituen, gisa horretako proiektuetan frankotan ez baita denen atsegina egiten. Baina lurretik atera zen, itxura moderno batekin. Zubi baten forma dauka, berinazko aitzinalde batekin. Eta barnean, ur erreka batean bagine bezala aitzinatzen gara, erakusketa molde ludikoan bisita daitekeela, kontinente batetik bestera pasatuz bezala, eta beharrez jadanik ikusitakora berriz itzuliz. Gisa horretan, publikoa hobeki irensten du, dakigularik bisitari kopurua kasik 1.500.000 jendetakoa dela urtean. Museoak 40.600 m2-ko eremua du eta orotara 1.320.000 pieza dauzka, batzuk erakutsiak, bertzeak artxibotan atxikiak. Bada erakusketa iraunkorraren gunea (3.500 obra), guk bisitatu duguna, noizbehinkako erakusketa gunea, ikonoteka (700.000 pieza), mediateka (250.000 obra), beste gela batzuk ere eta kanpoan baratze atsegingarria. Ez gara hitzetan gehiago luzatuko hemen. Hobe guhaurrek hartutako argazki batzuei tokia uztea, dasta gisa.

Email Buffer Facebook Google Twitter Pinterest LinkedIn Digg StumbleUpon Tumblr

3459. zbk

Igurikatzen badakienari denborarekin ate guziak irekiko zaizkio.

Txinako erran zaharra

Gure Hitza | 2018/07/19

Sukarra gorenean

Peio Jorajuria

Zer burrunba! Joan den igandeaz geroz beharriak tutatuak dauzkagu. Ez da besterik aipu: frantses futbol taldea munduko txapeldun!

Zer burrunba! Joan den igandeaz geroz beharriak tutatuak dauzkagu. Ez da besterik aipu: frantses futbol taldea munduko txapeldun! Sumendi bat iratzarri da, Frantzia guzian zorionezko ziliportak zeruratuz. Jainko berriak jautsi zaizkigu zerutik. Izena dute Griezmann, Mbappe, Kante, Pogba, Varane, Umtiti... Duela 20 urte eskuratutako lehen izarraren ondotik, bigarren bat lotu dute beren atorran. Frantziako jendarte osoa ahuspekatu da jainko berrien aitzinean, meza berean komuniatzen ari da, langile soil ala enpresaburu, denak kartsutasun berdinean, sozial diferentziak ezabaturik. Emmanuel Macron frantses presidenteak ezpainak atseginez milikatzen ditu. Dena zaio probetxu.

Errusian, Vladimir Putin autokrataren lurretan, burutu den Munduko Futbol Kopak hilabete oso batez ikaragarriko oihartzuna ukan du munduan barna, izariz kanpoko afizioa piztuz bazterretan, sumendi baten pare, dena gar eta borbor, zalapartatsu, kiskalgarri. Hainbat gaizto futbola maite ez zutenentzat! Zintzu...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016