Azalekoa | 2018ko Ekainaren 21a

MIGRANTEEN SUSTENGUZ, ELKAR BIZITZARAKO

A.F.

MIGRANTEEN%20SUSTENGUZ_%20ELKAR%20BIZITZARAKO

Neurri gerizatzaile batzutaz aparte, lege proiektu horrek murrizketak, kontrolak, bereizketak antolatzen dituzten neurri zorrotzak jartzen ditu eta aplikatu beharko litakeen zuzenbide komuna ez du errespetatzen.

Frantses poderearen sinboloa den suprefetura beltzez jantzi genuen maiatzaren 19an, jende eskubideen dolutan, migranteen oinarrizko eskubideen dolutan bait gira.

Alabainan “Babesa eta Immigrazio” lege proiektuarekin guziz atzera egiten da eta atzerritik heldu diren jende anitzen egoeraren txartzea aurreikusten da.

Neurri gerizatzaile batzutaz aparte, lege proiektu horrek murrizketak, kontrolak, bereizketak antolatzen dituzten neurri zorrotzak jartzen ditu eta aplikatu beharko litakeen zuzenbide komuna ez du errespetatzen. Testu horrek gaizki erabiltze instituzionala azkartzen du. Pertsonen oinarrizko eskubideak zangopilatzen dituen gaur egungo politika azkartu nahi du testu honek. Lege proiektuaren kontra bozkatu duen En Marche ohiko Jean Michel Clément deputatuak dion bezala: "polizia neurriak dira harrera neurriak baino".

Hala nola lege horrekin:

CNDAren aitzinean (Cour Nationale du Droit d'Asile) errekurtso bat pausatzeko epea 30 egunetik 15 egunetara pasatuko da Erretentzio administratiboaren iraunpena bikoiztua izanen da, 90 egunetara pasatuz; gaitzago oraino haurrak preso atxikitzeko posibilitatea onartu dute deputatuek. Atzerritarren desterratzea eta frantses estadura itzultzeko debekuen sistematizazioa izanen da. Gaur eguneko migrazioen erronkari erantzuten ez duen lege proiektu horren kentzea fermuki eskatzen dugu.

Elkar bizitza eta aniztasuna eraiki dezagun.

Azken urte hauetan eraman izan den migrazio politika hautsiko duen bestelako migrazio politika bat aldarrika dezagun. Migranteek nahi duten tokian bizitzeko ahala emanen dien integrazio politika bat fermuki galdegin dezagun. Europaren atarian, Europan eta frantses estaduan dauden ehun milaka migranteen oinarrizko eskubideak errespetatuko dituen migrazio politika bat exijitu dezagun.

Eta hemen berean?

Ipar Euskal Herrian hamarnaka dira karrikan bizi direnak, ala Paueko Prahdan kokatuak direnak, berdin anonimoek aterbetuak ala Eukal Herriko hainbat tokitan gure kolektiboak lagunduak. Mohamed, Mansour, Ibrahim, Nora, Moussa, Mariam, Abdoulazim, Abdoulaye, Aminata... Dublinatuak, geriza eskatzaileak, geriza ezeztatua izan dutenak, paperik gabekoak... gaur izen bat eman nahi diegu, ageriko jendea bilaka daitezen, oroz gainetik historio pertsonala bat eta migrazio ibilbide bat duten pertsonak baitira. Iparraldeko eta Landesetako hego aldeko migranteen egoera agerian ezarri nahian, agintariei mezu azkar bat helarazi nahi diegu, dublinatzea eta sailkapen politikoarekin buka dezaten.

Ondoko hitzordua:

ekainaren 23an, larunbatarekin, arratsaldeko 6etatik landa, Baionako Roland Barthes zabalgunean. Ipar Euskal Herriko migranteekin piknika partikatua izanen da, animazio frangorekin. Horiekilako elkartasuna erakusteko beste parada bat. Janari edota edatekoa ekarri eta festa egitera gomitatuak gira denak.

Email Buffer Facebook Google Twitter Pinterest LinkedIn Digg StumbleUpon Tumblr

Gure Hitza | 2018/06/21

Pottoka hezgaitzari bihotzeko agurrak

Peio Jorajuria

Berrikitako oporralditxoez baliatu naiz Pariseko Branly Kaiako Museoari bisitaño baten egiteko. Museo harrigarria, Afrika, Ozeania, Asia eta Ameriketako populu primitiboen ondare miresgarriaren erakusleiho ezinago ederra. Handik ateratzean zaitan Manex Pagolaren heriotzearen berria jin. Ez dakit museo horren ezagutzeko parada ukan zuenez Manex antropologoak. Gostukoa zukeela, hori segur!

Geroztik bi aste iragan dira. Gure adiskideak merezitako goraipamenak ukan ditu alde guzietatik, azkenik joan den astelehen arrastirian, Baionako Euskal Museoan antolatutako kantuzko omenaldian. Artetik Urketan eskaini zaion agur hunkigarria da iragan, eliza mukuru betean, kanpoan ere jendalde handia zela metatua, kantari, bertsulari, idazle, euskaltzale eta adiskide lerro handia, politika mundukoak ere, besteak beste Karlos Garaikotxea lehendakari ohia eta Julen Madariaga militante ezaguna, Xipri Arbelbide koinata elizkizun buru, Beñat Lagourgue sorterrikidea predikari, eta Manex bera di...

Irakurri segida

Han eta Hemen | 2018/06/21

“Amets baten hegalez bidez bide” kantatu duzu aberria, Manex

Graxi Solorzano

a€œAmets%20baten%20hegalez%20bidez%20bidea€%20kantatu%20duzu%20aberria_%20Manex

Bai, “telebista eta radio”-tan aipamen izan duzu azken egunetan usaian baino gehiago oraino. “Urketa”-ko olerkari eta kantu zizelkatzaile fina, aspalditik baginakien “urtxintxak bezala izaiteko libre” ibili nahi zinuela eta funtsean hala egin duzu; ez aldiz “xurxuri baten gainean xoriak bezala kantatuz”, bainan bai jendearen bideetan: “ez aberatsen bidetarik ibiliz”, “behardunekin bizitzea hori da nere kantua” baitzinion, “agurtuz zapalduak, agurtuz etsituak”, “denek bizi behar baitute”. “Xuti gaiten xume denak” zen zure zinezko gomendioa. “Langileak Bilbaon” bisitatuz, “Burgos” eta “Garaziko herrian” gaindi ibiliz… “Esku emanez elgarri” zure lelo humanistari jarraikiz! “Azken dantza” emanik, “agur munduari” erranik eta “Adios maitia” xuxurlatuz, “etorri da urrun joaitea”. Agian ikusi duzu “goiz alba ederra” eta heldu zira “Eñaut Bidegorri”-ren ondora, zure “irrintzina” ozenki botatuz eta “amatxi et...

Irakurri segida

Han eta Hemen | 2018/06/21

HAZIAK LORATZEN : Txiste ona

Kalakariak Itsasuko AEK gau eskola

Neurona bat gizon baten burumuinean sartzen da baina lekua hutsa da.

NEURONA GALDUA

Oihuka hasten da:

"Hela, badea norbaitaitait? Ehooooo... Badea norbaitaitaitait!"

Baina bere oihuaren oihartzuna baizik ez du entzuten.

Ate bat idekitzen du:

- "Ehoooo… bada norbaitaitaitait?"

Baina ez du beste neuronarik ikusten. Segitzen du, beste ate bat idekitzen:

- "Ehooo… bada norbaitaitait!! Ehoooo....". Bere baitan:

"Baina nun dira denak!!"

Ate guziak idekitzen ditu, ezker, eskuin, xoko guziak miatzen ditu:

- "Ehoooo... Nun zizteeeeee!".

"Baina, ez da posible, norat pasatu dira denak!!"

Nehork ez du erantzuten. Beste ate bat idekitzen du

- "Ehooo… bada norbaiiiiit!!"

"Baina nun dira? Ez da posible!"

Momentu batean, ate bat idekitzen da eta beste neurona bat sartzen da:

- "Ah, hor zira! Baina zer egiten duzu hemen bakarrik? Zato gurekin, denak beherean...

Irakurri segida

Han eta Hemen | 2018/06/21

HAZIAK MINTZO : Ortzaizeko San Mixel eskola

HAZIAK%20MINTZO%20:%20Ortzaizeko%20San%20Mixel%20eskola

Urte aberatsa proiektuetan: haurren egonaldia Iruña eta "Las Bardenas" tokian gaindi, "Montessori" tresna berria Ama eskolan, Ortzaizeko "Gutartean" jende adinekoekin harremanetan sartu. Horrela, eskolako haurrek, beren galde batzuen bidez, ikasi dute nola pasatzen zen eskola lehenago, zer ziren lehengo usaiak eta bururatzeko, joko batzuetan elgarrekin parte hartu dute. Lan hori ekainaren 24-an aitzinatua izanen da San Mixel eskolaren 80 urteen karietarat. Ikasleek dantza ikusgarri bat "Ortzaize Dantzan" presentatuko dute. Hor ere, usaien aldaketa dantzaren bidez aurkeztua izanen da. Egunean zehar, argazki ikusgarria izanen da eta bazkaritik landa, elizan kantaldi bat Maitena Monaco, Pauline eta Juliette taldeekin iraganen da. Ondotik, talo eta xingar! Gomitatzen zaituztegu gurekin memento goxo horren partikatzerat!

Irakurri segida

Han eta Hemen | 2018/06/21

Saioa taldearen diska berria

“Hiru, hamalau” izendatu du bere diska berria Saioa taldeak. Taldearen hirugarren ekoizpena, hamalau kanturekin. Kamila Zubeldiak (Unama) eta Marieder Iriartek (The Sparteens, Paco ta Marieder) bultzatu duten obra da, partzuerrak bilaturik, 14 jenderi proposaturik egitasmo hortan elgarrekin bide egitea. Rafa Rodrigo Perurena argazkilariak 24 argazki utzi ditu bikotearen eskuetan, hauk oinarri gisa hartu dituztela 14 lagunek kantuen testuak ontzeko. Eta bikoteak melodiak sortu ditu testu horiekin. Denak osoki sorkuntzak dira, beraz. “Goiz batez”, “Ilargiko gasna”, “Ezin sinetsiz”, “Infernuko errota” eta beste.

Irakurri segida

Han eta Hemen | 2018/06/21

Seaskako erakasleak eta langileak ere kexu!

Uztaritzen Seaskako langileak Lapurdi gela aitzinean
Uztaritzen%20Seaskako%20langileak%20Lapurdi%20gela%20aitzinean

Aspaldi huntan burasoak kexu baldin badira, heldu den sartzeko postu eskasagatik, joan den astean Seaskako erakasle eta langileak dira elgarretaratu Uztaritzeko Akademia Ikuskaritzaren bulego aitzinean, Lapurdi gunean. Galdegina zuten denak beltzez beztiturik etortzea. Heldu den sartzeari begira beren kexua adierazi nahi zuten, hezkuntza ministeritzak proposatzen dituen postu murritzekin beren lan baldintzak okertuz ari direla eta arriskuan ezartzen dutela murgiltze eredua ziotela. Jocelyne Dejoux ikuskariari hitzordu bat eskatu diote beren arranguren berri emaiteko.

Irakurri segida

Han eta Hemen | 2018/06/21

Euskal Herrian zira!

Euskal%20Herrian%20zira!

You are in the Basque Country, mezu horrekin da agertuko berrikitan osatu den Errobi aldeko mugimendu herritarra. Uztailaren 28an, Frantziako Tour-a Euskal Herritik pasatzen dela eta, nahi du aldarrikatu, saihestu ezinezko hitzordu huntan, estaturik gabeko lurralde batean izanen dela gertakari handi hori. Kolektiboarentzat kirol gertakariaz baino urrunago doan ekimena da, frantses zentralismo hutsa dela eta mobilizatzeko beharra senditu du. Egun hortan aldarrikapenbesta gune bat antolatzen du Larresoron eta Tour-aren ibilbidean zehar galdegiten du herritarrak hurbiltzea prestatuko dituen plastikoak eskuetan. Antolatzeko bilkurak badira, www.tourrra.eus gunean xehetasun guziak atzemaiten ahalko dira.

Irakurri segida

Han eta Hemen | 2018/06/21

Baxoa euskaraz!

Baxoa%20euskaraz!
Joan den astelehenean hasi dira baxoaren pasatzen ehunka gazte, urte guziz bezala Etxepare lizeoko ehun bat ikasle eta heie kin lagun erakasle eta Euskal Konfederazioko arduradunak bildu dira Cassin ikastetxe aitzinean. Salatu nahi izan dute, ikasketak euskaraz egiten dituztela eta ez dutela ulertzen nolaz ezin duten baxoko azterketak euskaraz pasatzeko ahalik.

Irakurri segida

Han eta Hemen | 2018/06/21

28 urte aski da, egun bat gehiagorik ez !

28%20urte%20aski%20da_%20egun%20bat%20gehiagorik%20ez%20!

Mezu honen inguruan joan den larunbatean 1 600 bat jendek manifestatu dute Baionako karriketan Ion, Jakes, Xistor eta Unai presoen alde. Emili Martin Bagoaz-eko boz eramailea eta Battitt Sallaberry Hendaiako auzapez ohiak dute hitzaldia eman. "Haien kondena bete baitute, haien eskubideen errespetuz, justizia justu batentzat. Aski iraun du, garaia da Ion, Jakes, Xistor eta Unai Etxerat" aldarrikatzen zutela.

Irakurri segida

3455. zbk

Jondonanez euria, euritsu uda guzia

(Frantzia behereko erran zaharra)

Gure Hitza | 2018/06/21

Pottoka hezgaitzari bihotzeko agurrak

Peio Jorajuria

Berrikitako oporralditxoez baliatu naiz Pariseko Branly Kaiako Museoari bisitaño baten egiteko. Museo harrigarria, Afrika, Ozeania, Asia eta Ameriketako populu primitiboen ondare miresgarriaren erakusleiho ezinago ederra. Handik ateratzean zaitan Manex Pagolaren heriotzearen berria jin. Ez dakit museo horren ezagutzeko parada ukan zuenez Manex antropologoak. Gostukoa zukeela, hori segur!

Geroztik bi aste iragan dira. Gure adiskideak merezitako goraipamenak ukan ditu alde guzietatik, azkenik joan den astelehen arrastirian, Baionako Euskal Museoan antolatutako kantuzko omenaldian. Artetik Urketan eskaini zaion agur hunkigarria da iragan, eliza mukuru betean, kanpoan ere jendalde handia zela metatua, kantari, bertsulari, idazle, euskaltzale eta adiskide lerro handia, politika mundukoak ere, besteak beste Karlos Garaikotxea lehendakari ohia eta Julen Madariaga militante ezaguna, Xipri Arbelbide koinata elizkizun buru, Beñat Lagourgue sorterrikidea predikari, eta Manex bera di...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016